Herdsla er det tiande og siste bandet i romanserien Dansen gjenom skuggeheimen. Hovudpersonane i denne boka er Tørber Landsem og Audun Rambern. Arbeidarføraren Tørber Landsem har vi følgd gjennom fleire av dei tidlegare bøkene. Rallardiktaren Audun Rambern er bror til Sjugur som vi kjenner frå Dansen gjenom skuggeheimen og Røysingfolket. Deira harde strid, vanskar og motgang og endelege siger er det Herdsla handlar om. Men boka er og møtestad for ei lang rad personar som har gått inn og ut i dei andre romanane i serien.
